Kutubxona foydalanuvchilarga xizmat kursatish shakllari (Germaniya tajribasi)

O’tgan yili 12-22 noyabrь kunlari O’zbekistonlik kutubxona mutaxassislari Germaniyaning Berlin va Myunxen shaharlarida faoliyat kursatayotgan kutubxonalar hamda Germaniya kutubxonalari uyushmasi, shuningdek, o’quv muassasalari bilan yaqindan tanishishga musharraf bo’ldik. Xizmat safari davomida biz bugungi Germaniya kutubxonalari tizimi, kutubxonalarning davlat tomonidan qo’llab-quvvatlanishi, kutubxonalar kooperatsiyasi, ularning ilmiy muassasalar bilan hamkorligi, axborot asrida kursatayotgan faoliyati, foydalanuvchilarga xizmat ko’rsatish shart-sharoitlari, xizmat ko’rsatish darajasi, kitob mutolaasi va elektron kitoblardan foydalanish darajasi, kutubxona fondlarini raqamlashtirish jarayonidagi muammolar, marketing va menejment sohasida olib borilayotgan ishlar yuzasidan davra suhbatlari va tanishtiruv ekskursiyalarida ishtirok etdik.