- 18.09.2026
- Chop etilgan: admin
- Boʻlim: Mahalliy, Xalqaro
Тасаввур қилинг, ижтимоий тармоқлардан чалғиб, кунига атиги 15 дақиқа китоб ўқиганингиз учун давлат сизга пул тўлайди! Бу Сингапурдаги ҳақиқат бўлиб, у ерда аҳолини телефон қарамлигидан қутқариш ва мутолаа маданиятини тиклаш учун 5 йиллик миллий ReadSG дастури ишга туширилди. Тизим худди қизиқарли видеоўйиндек ишлайди: иштирокчилар махсус платформада кунига камида 15 дақиқа китоб ўқиганини қайд этиб, 20 тадан виртуал танга йиғиб боришади ва 1000 та танга тўпланганда, уни 1 Сингапур долларига алмаштириб ечиб олишлари мумкин.
Албатта, бу пул рамзий маънода ва ҳеч ким бундан бойиб кетмайди, бироқ бу ерда асосий урғу молиявий манфаатга эмас, балки геймификация, яъни ўйинлаштириш усули орқали одамларда диққатни жамлашни машқ қилдиришга қаратилган.
Хўш, агар Ўзбекистонда ҳам худди шундай, телефон титкилашни камайтириб, китоб ўқиганлик учун рамзий бўлса-да, пул тўланадиган тизим йўлга қўйилса, сиз кунига неча соат китоб ўқиган бўлардингиз?
